Toneelgroep Rondom 't Veloat speult de zoal plat
Geplaatst: zondag 24 februari 2013 om 15:15 | Views: 7804
Auteur: Meindert Koning
BLIJHAM/PEKELA - 23 feberwoarie was het weer zowiet. Veur ain volle zoal in Het Oude wapen in Blijham brochten ze Het bliedspel in vaaier bedrieven Drei Criminele wichter schreefn deur Fred Vonk op de planken. Het stuk speulde zuk of in de hoeskoamer van Opa dingelmans mit zien drei vrijgezelle dochters dei ook ol op leeftied binnen.
De wichter binnen gek op Dynastie en zo krigt de oldste dochter Froukje het idee om ain crimineel plan te smeden en wil dat den ook ten oetvoer bringen. Ze binnen verhoesd van het plattelaand noar de stad en wonen nou in ain fletje vlak bie de lainbaank.
Dize haile opganisoatie goat nait zunder slag of stot en oal opa mag der niks van waiten wat mainig taffereel op de planken bringt woar mainigain de pokkel zeer dee van’t laagn.
Opa dei doof is krigt nait oalles zo goud meer mit en wichter mouten bolken en reern en den nog verstaait hij soms dingen aans as dat ze zegd worden. Matje en Stientje goan noar veul oarzelingen mit in Froukje heur plan om riek te worden, mor wat wil het touval? Plietsie Hoaverstro is touvallig heur buurman en aan aander kaant woont Gabriel de kassier van de laainbaank. De jongste zusters zain heur plannetje in t onder voalen mor Froukje wait wel road mit de situaotie. Het is ain vaststoand plan en dei mout deur zet worden. Mit Opa op toafel veur’t klaproetjemit schienvat mout olles goud goan. Of dat ook zo is wil ik joe wieder nait verteln, want aander week hebben ze weer ain oetvoern in Blijham en den is veur dei minsen dei der nog hin mouten de oardighaid der oaf. De minsen dei der waarn hebben in elk gevail aibels genoten van het stuk en zug ook gain minuut verveeld. Ook het aanklaien van het toneel ,het geluud en de verlichting gebeurde op ain bienoa preffesionaile menaier.
Oal mit oal ain aibels mooi stuk die meroakels best ten oetvoer wui brocht.
Binnen nog wat koarten te kriegen veur zoaterdag 2 meert in Blijham.
Meindert Koning
Stemmen tellen....
Reacties
Er zijn nog geen reacties.Reageren
U kunt uw reactie straks activeren via een link, die u wordt toegestuurd via de mail. Vul daarom een juist adres in. Ter info: Het eerste deel van uw e-mailadres wordt bij uw naam vermeld. Bijvoorbeeld naam@... | ||
Uw naam | : | |
Uw emailadres | : | |
Bevestig emailadres | : | |
Reactie | : | |
Foto | : | You do not have Flash Player installed or your Flash Player is too old! Please install Flash Player 9 or higher. |
Houd me op de hoogte van reacties | ||
Schrijf me in voor de nieuwsbrief | ||