Supporters Vereniging Vanachter t’Glaske: Zummerstop
Geplaatst: dinsdag 7 juni 2016 om 19:25 | Views: 8160
Auteur: Supporters Vereniging Vanachter t’Glaske - Damacota
NIEUWE PEKELA - De Zummerstop! As je altied twei, drei, vaar of vief doage in de weekke opt voetbalveld binn’n den komt nou toch echt joen rustperiode d’r aan. Int zummerstoultje in de bakk’nde zunne, natuurlijk nait insmeer’n wat bikselderij en zoeperij op toafel en de meist’n binn’n den allaank ’t sportpaark vergeet’n. Supporters Vereniging Vanachter t’Glaske wenst elk ain waarme zummerstop en ain prachtige vakantie!
Doar zit’n je straks veur joen sleurhut, in ain chaletje of in’t hotelegie, in ain gehuurde teente van vacansolééé aarg’ns int boet’nlaand of nait te wiet vot…. en bie de pekelder koelle, achter joen aig’n kwinne of op de haide bie hounderloo lekker te vertoev’n en joen welverdainde vakaniecent’n d’r deurknapp’n.
Boukkie in de haand, eev’n midgetgolv’n, eev’n dobbern op joen luchtberre, op fietse deur’t grunnergerlandschap, spelletjes wat ie aans of nait te voak doun mit joen laiverd, kinder,,oalluu, schoonoaln en aangetraauwde proeksels doun we nou wel eev’n, af en tou eev’n ain duuk int wotter en mekoar ain boalle biet overgooi’n in de vretert gooi’n en elk is te bruuk’n en tevree.
De Skottelbrai of de BBQ panne kriegt gain tied om koald te worn en de koeler kinn’n d’r nait teeg’n koeln ……doar dunn’n we het toch veur en doar is de zummerstop veur!
Mor veur dat ie het weit’n ist weer zo wied en heurn ie de eerste kreet’n alweer veurbie komm’n in Pekel, op’t sportpaark, via feestjeboekje, twitter en hyv’n en in Haarm zien hokkie.
Dit joar gait aans, wel is dei naie trainer, het dei wel ervoaring genog, wie begunn’n van nais oaf aan, as we mor scoorn den komt goud, ik had aans doan, woarom dunn’n ze dat nou zo, bie de eerste vaarre op de ranglieste mot lukk’n, plouggie is in de braidte wel staarker worn en as de veurberaid’n mor goud is en nait oal dat gesjaauw, binn’n d’r nog naie speulers bie komm’n, verrek is dei stopt, verrek is dei weg goan en zo kist oal wel deur goan.
In augustusmoand woarin de middelmoatige speulers heur kans weer roek’n om in’t eerste te komm’n, woarbie de training’n vliemschaarp binn’n en en dat er volop traint wot op joen buukspier’n wat joe echt nait paast, dat er ook opains op ain vrijdagoabnd traint wot as extraatje en dat je al ain trainingsweekend achter de rugge hebb’n, (dat nuimn’n ze teeg’nwoordug ain zoepweekend’n) wat nait mit vuil, het is oal mit oal net as mit ain kou dei het gras roekt in de lente mor noch wel ain nacht in stal mot sloapn.
Elk het er den wel weer zin in mor mot nog eev’n geduld heb’n !
Om ain laank verhoal kurt te mokk’n: Veur elk kom tou… ain waarme zummerstop en ain prachtige vakantie!
'K zol zegg’n tot aargn’s in augustus!
Groet’n
Supporters Vereniging Vanachter t’Glaske.
